I skrivande stund er det ein halv time til 1. juli. Det vil seie at dette har vore den siste dagen Rusfri Diil har eksistert – i alle fall i den forma me kjenner prosjektet. Ryktane går om at sjølve nettsida kjem opp att 15. juli – men berre nettsida, ikkje resten av prosjektet. Det er fint at deler av prosjektet lever vidare, men det vert nok aldri det same.
Rusfri Diil var inngangsporten min til fråholdsrørsla; Juvente – ein organisasjon eg med tida har blitt veldig glad i – og det er den av dei organisasjonane eg er medlem i, som eg er mest aktiv i. Eg håper eg ser mange diilarar i Juvente – og at dei held fram med å vere aktive og synlege fråholdsmenneske, sjølv om Diil er borte, slik som me kjenner det. Vevsida kjem jo kanskje til å halde fram.
Kvifor Diil vert borte, kan du lese her. Me vann altså ikkje kampen, men me gjekk i alle fall ned med flagget til topps, og sto på heilt til slutten.
I morgon dreg eg til Sommerfryd utanfor Finnsnes, kvar eg skal vere med å arrangere Fryd på Sommerfryd (del 2). Fyrste delen var i fjor. Målet i år var å ha dobbelt så mange deltakarar som i fjor – og det har me klart, noko som er veldig, veldig bra! Sommerfryd var utruleg bra i fjor, og eg håper det vert like bra – om ikkje betre – i år.
Frp ynskjer ikkje lov og orden i trafikken, skal eg tru medieutspela deira dei siste dagane, sjølv om dei kallar seg sjølv for eit «lov og orden»-parti. Noko eg meiner dei ikkje er.
Før helga kom Frp med eit utspel om at dei vil ha alkoholsal på bensinstasjonar. Og ikkje berre øl, men óg vin og sprit(!). «Jeg tror ikke det vil føre til mer fyllekjøring. Faktisk tror jeg det vil være med på å styrke og utvide nordmenns omgjengelighet med alkohol på en positiv måte», seier Jan Arild Ellingsen, som er justispolitisk talsmann i FrP. Skivebom. All forskning seier at auka tilgjenge fører til auka forbruk. Å selje alkohol på alle bensinstasjonane langs vegane, vil føre til meir fyllekøyring, det er eg overbevist om. Og reaksjonane har kome, mellom anna frå MA, som seier at dette er den «verste galskap vi har sett». MA har eit poeng.
Saka kom samstundes med nyheita om at StatoilHydro krev alkoholsal på bensinstasjonane i Litauen. Dei la seg paddeflat, men eg veit ikkje om eg trur heilt på det. Men eg liker det ikkje. Dei skal visstnok óg ha krevd alkoholsal i Noreg. Er Framstegspartiet sitt utspel eit resultat av StatoilHydro-saka?
Men dei synst óg det er ein trussel mot personvernet at ein brukar fotoboksar for å måle gjennomsnittsfarta på bilar som køyrar forbi. Eg trur det kan vere eit bra tiltak for å få ned farta på vegane. Sånn som det er no, kan ein køyre så raskt ein berre ynskjer mellom fotoboksane – og bremse ned litt før ein kjem til dei. Riktignok må bilete av dei som ikkje køyrer for fort slettast, men at dei som køyrer for fort får merke det. Eg trur det kan vere eit godt tiltak som kan hjelpe.
For nokre få dagar sidan kom gladmeldinga til alle som bur på Bjarkøya og Sandsøya – to øyer like utanfor Harstad. Dei får nemlig fastlandsforbindelse, noko dei har jobba med i fleire år, og no endeleg har fått gjennom i fylkestinget. Gratulerar! Det er vel det beste som kunne skjedd for desse øyene, for å oppretthalde folketalet der.
Sidan dei no f
år fastlandsforbindelse, er sjansane veldig store for at Harstad og Bjarkøy kommunar slår seg saman, og vert ein “stor-kommune”, som NRK kallar det. Eg veit ikkje om eg vil kalle det ein stor-kommune, då. Vert totalt 23 500 innbyggjarar, altså – 23 000 frå Harstad og 500 frå Bjarkøy. Dog, om ein tenkjer areal, kan ein vel kanskje kalle det ein storkommune, sjølv om det ikkje blir ein valdsamt stor kommune av det heller. Men det vert ein fin kommune – med mykje historie og flott natur!
No kjem namnedebatten. Kva skal kommunen heite? Sjølv ser eg det som naturleg at kommunen heiter Harstad. Fordi Harstad kjem framleis til å vere kommunesenteret i kommunen, og Harstad er veldig innarbeida. Derimot tykkjer eg ikkje me skal gløyme Bjarkøy heller, og personleg synst eg deira kommunevåpen er finare enn Harstad sitt noverande. Difor vil eg at den nye kommunen skal behalde Bjarkøy sitt kommunevåpen, men at me legg på “krona” frå Harstad sitt. Kanskje kan våpenet få same form som Harstad sitt óg. Eg har laga ein liten skisse, som du ser til høgre, dog utan forma til Harstad sitt.
Men eg må berre seie det ein gong til; gratulerar med fastlandsforbindelse – og eg gler meg til kommunesamanslåing!
Dette er eit spørsmål som har “irritert” meg lengje. Og ingen av dei eg har spurd, veit svaret. Eg siktar altså til dei tinga som er på biltet, sånne små firkantar med fargar som heng på lyktestolpar/andre stolpar langs vegen.
Har dei ein funksjon? Det har dei vel, men; har dei ein funksjon for ein som er “vanleg” bilist? Opplyser dei om noko? Og kva funksjon har den vesle sylinderen som er på desse? Men der finst óg små skilt kvar det kan stå ting som “BK” – har dei ein annan funksjon?
Om nokon kunne ha svart på dette, hadde det vore fint. Så slepp eg å undre meg meir.
I dag tidleg låg eg (dette var før eg sto opp frå senga) og tenkte på korleis Noreg hadde vore om Siv Jensen hadde vore statsministar, og ikkje Jens Stoltenberg. Det fekk meg til å lage nokre scenario inni hovudet mitt.
Der kom ideen til å opprette ein blogg kvar eg legg ut scenario frå Frp-Noreg. Mange av scenarioa er nok tufta på mine fordommar mot Frp, og dei er nok gjennomsyra privatisering og nedsetting av skattar og avgifter – noko eg er motstandar av (offentlege og private bedriftar hand i hand, men ikkje alt kan privatiserast). Det eg lagar kan kanskje definerast som skrekkscenario, men eg trur likevel mykje av det kan vere reelle utfall av den politikken dei vil føre.
Det endte altså i ein blogg, og dei få kommentarane eg har fått så langt, har vore positive. Men eg gler meg til å få respons frå Frp-folk, om eg får det. For å sjå korleis dei formulerar seg.
Du er velkomen til å lese bloggen, og til å skrive ein kommentar eller to. Bloggen finn du på frplandet.vgb.no.
Godt val – men husk; stem raudgrønt!
No oppretta eg ei aldri så lita meiningsmåling her, som du kan svare på – og det handlar altså om kva du ville ha stemt på om det var val i dag. Det kan jo verte interessant å sjå kvar lesarane mine står politisk. Køyr på!
Du kan stemme éin gong, og det er sjølvsagt anonymt (les: eg ser ikkje kven som har stemt kva).
Som du nok har fått med deg, så vann Noreg. Eurovision Song Contest (ESC), altså. Og no har bykampen starta – alle vil arrangere finala. Ikkje minst Tromsø.
Men Tromsø tapte nok den kampen óg – og takk for det. Tromsø har ingen stadar dei kan arrangere det, og forslaget som hadde kome, ville medført at ein måtte ha bygd eit tak over Alfheim stadion. Neste på lista var eit lokale med plass til 4000 publikumarar.
Det einaste realistiske alternativet eg kan sjå føre meg, er Oslo og Telenor Arena, kvar det er plass til i overkant av 20 000 publikumarar. Skal me få til eit skikkeleg arrangement, må me ha plass til det óg, og eg trur Telenor Arena er den best egna staden å arrangere. Oslo Spektrum vert nok litt for lite, diverre. Eg veit ikkje kva dei har i Bergen av fasilitetar, men eg vil heller ha ESC i Trondheim enn Bergen. Men Oslo er nok det beste – og einaste – alternativet. Og det seier eg ikkje som osloborgar – for eg er født, oppvekst og busatt i Harstad.
Bussen AUF brukar på turneen sin. Biletet er © AUF.
Laurdag var ein fin dag. Då var eg på informasjonsmøte i AUF – Arbeidaranes Ungdomsfylking, som altså er ungdomspartiet til Arbeidarpartiet. Oppmøtet kunne ha vore betre, men møtet var uansett informativt og fint – sjølv om me deltakarar ikkje sa så mykje. Fyrst ei (Tonje, var det kanskje?) som hadde ei generell innleiing i AUF, etterfølgt av Martin Henriksen som snakka om valkamp. Det var interessant.
Etter møtet spanderte dei pizza på oss. På Peppes pizza, altså. Ikkje Grandiosa. Der snakka me litt om å starte lag i Harstad, og eg og Petter vart visstnok kontaktpersonar for å prøve å få i gang eit. Så om du bur i Harstad, er sosialdemokrat og vil aktivisere deg i AUF – ta kontakt! Det var eit huggeleg selskap. Eg fann óg ut at foreldra til Martin (barndomsheimen, altså) bur nokre få hus unna bestemor og bestefar sitt. Altså der eg budde då eg var liten. Det var jo litt festleg. Især sidan det ikkje er så langt unna der eg bur no – og at eg dermed fekk sitje på AUF-bussen (på biletet) heim. Gratis transport kan ein då ikkje takke nei til.
Og om du ikkje kan tysk, så er tittelen på dette blogginnlegget tysk. Eg hugser enno litt, ser du. Auf wiedersehen betyr altså “på gjensyn”. Så får me håpe det vert gjensyn då, eg er i alle fall veldig for akkurat det. Og ryktane seier at AUF er i debatt på I kveld på NRK2 i dag klokka 22.20.
I dag har eg teikna ein bukk. Ikkje bukk som i dyret bukk, men som i ein sånn bukk:
Det er teikninga mi. Med utstyrsliste. I ettertid kom eg på at eg gløymde spiker/stiftar. For å få plata til å sitje fast. Eg teikna til og med i målestokk. Det vil seie; på originalen er det i målestokk. Difor satt eg på mål. Føl deg fri til å byggje ein eiga bukk ut i frå teikninga mi.
Grunnen til at eg har teikna ein bukk, er fordi eg vart litt inspirert av bukken folkeaksjonen oljefritt Lofoten og Vesterålen hadde i Sortland i går (laurdag). Han var fin. Juvente hadde stand ved sida av, kvar eg var. Ein mann trudde me var frå folkeaksjonen. Det var tydeleg at han ikkje var oljemotstandar. Han skreik høgt, og det einaste ordet eg oppfatta var “arbeidsplassar”. Standen gjekk greit, og me samla inn litt penger til FORUT. Eg trur me kunne fått inn meir penger hadde me hatt ei skikkeleg bøsse. Då vert det meir truverdig. Men bøssa kom ikkje fram i tide, så då måtte me klare oss med boksar i stadenfor. Men alt går dit det skal gå! Men grunnen til at eg teikna bukken, er at eg har lyst å ha innsamlingsaksjon for FORUT. Med skikkeleg(e) bøsse(r). Og bukk. På bukken skal det hengje plakat(ar) om FORUT, og kva dei gjer og kven dei er. Det trur eg vert fint.
Det må me få til. FORUT er bra.
Men attende til standen. Thor-Rune hadde kjøpt inn eit partytelt. Det var utruleg praktisk å ha. For då fekk me skugge for sola når ho sto på som verst. Men det var ikkje heilt vatntett, så når reiknet kom, var det ikkje til så veldig stor nytte. Berre litt. Standen vart ikkje så godt besøkt at det gjorde noko, men det kom ein mann og kjøpte pølse i vaffel. Opptil fleire. Han likte dei, han. Også snakka me med ein mann som lovte at han skulle overføre 2000 – to tusen – kroner til Juvente, fordi me var så bra. Han mannen fortener ein applaus. Også fekk me besøk av ein veldig positiv mann, som tidlegare hadde vore i forbundsstyret til NGU. Også verva eg Ingrid.
Og sidan eg fyrst er så godt i gang, kan eg vel like gjerne laste opp nokre bilete:
-
- Sånn såg standen ut. Men det var enno tidleg på morgonen.
-
- Jenny er svensk. Og volontør.
Orsak for at bileta er så uhorveleg store. Og Bloggurat ville at eg skulle setje inn denne lenkja.
Arto Paasilinna er ein god forfattar. Utruleg god forfattar. I dag las eg ferdig De hengte revenes skog, som eg må seie er ei utruleg bra bok, og du bør lese ho:
Men sjølv om ho var utruleg god, slår ho ikkje Kollektivt selvmord. Skal du lese ei bok av ein finsk forfattar i år, må det verte den. Og det er eg nok ikkje åleina om å meine.
Eg tykkjer óg omslagsdesignet på bøkene hans er stileg. No skal eg berre anskaffe meg fleire av bøkene hans, og håpe dei innfrir dei óg. Eg har sett fleire av dei på Libris, så eg håpar dei ikkje er utseld.
